"CAFA Womenʼs Futsal Championship 2023". Эрон мураббийи: "Мусобақагача атиги 3 кунлик йиғин ўтказдик"
27 янв 2023 16:16
Новости

"CAFA Womenʼs Futsal Championship 2023". Эрон мураббийи: "Мусобақагача атиги 3 кунлик йиғин ўтказдик"

"CAFA Womenʼs Futsal Championship 2023" 1-тури доирасидаги Қирғиз Республикаси устидан қозонилган ғалабадан кейин (5:0) эронликлар устози Форузан Сулаймони хоним фикрлари билан ўртоқлашди.

- Аввало, меҳмондорчилик ҳақида раҳмат айтмоқчиман. Ўйин хусусида гапирадиган бўлсам, турнирга 3 кунлик йиғин билан етиб келдик. Менимча, бу жуда кам ҳисобланади. Секин-секин ўйинимизни яхшилаб боришга ҳаракат қиламиз. Мусобақадаги асосий рақибимиз Ўзбекистон ҳисобланади, чунки мезбонлар анча яхши тайёрланишган. Улар билан ўйинни интизорлик билан кутяпман.

Шунингдек, учрашувнинг энг яхши ўйинчиси сифатида эътироф қилинган Феришта Карими ҳам ўйин ҳақидаги фикрларини билдирди.

- Яхши ўйин бўлди. Биласиз, Эрон аёллар терма жамоаси Осиёда етакчилардан ҳисобланади. Шунинг учун ҳар доим ғалабани мақсад қиламиз. Рақибга ҳурмат сақлаган ҳолда айтаман, улардан анча кучли эдик. Бугун аксар қизларимиз терма жамоа либосида дебют қилишди. Улар тажрибали ўйинчилар билан чиқишиб кетиши учун бироз вақт керак. Кейинги ўйинларда ҳам фақат ютиш ҳақида ўйлаймиз.

Ссылка :

Источник : championat.asia

Получайте новости прямо в Telegram!

Рейтинг: +2