"Бухоро" янги автобусга эга бўлди ФОТО

Жамоа энг аввало чемпионатдаги натижаларини яхшилаш, эгаллаб турган ўрнини янада ижобий кўринишга келтириш ва энг асосийси ашаддий ишқибозларини хурсанд қилишни ўз олдига асосий мақсадлардан бир сифатида қўйган. Шунингдек "Бухоро" аста-секин ўз инфратузилмасини ҳам яхшилаб бориш ва халқаро майдонларда иштирок этиш учун ҳар жиҳатдан тайёрланиб боришга ҳам эътибор қаратмоқда. Хабарингиз бор, бу йил "Бухоро" деярли янгитдан ташкил этилган таркиб билан чемпионатни бошлаганди. Аммо қайд этилаётган натижалар сира ёмон эмас. Мураббийлар штаби қўл остидаги футболчилар билан астойдил ишлаб, уларни ҳар бир учрашувга фақат ва фақат ғалаба учун ундамоқда. Албатта ижобий натижалар замирида сўзсиз раҳбариятнинг ҳиссаси беқиёс эканлигини аълоҳида таъкидлаш лозим. Зеро, бугунги кунда ҳеч бир жамоа, клуб мутасаддилари томонидан қўллаб-қувватлашларсиз бирор-бир ижобий натижа қайд эта олмаслиги айни ҳақиқатдир. "Бухоро"нинг айни пайтдаги эгаллаб турган ўрни (2-ўрин) ва умуман чемпионат ва мамлакат Кубогидаги мазмунли иштироки табиийки клуб раҳбариятини ҳам қувонтирмоқда ва улар ҳам бунга жавобан яқинда клубга янги замонавий ва барча қулайликларга эга бўлган "MAN" русумли автобусни ҳарид қилиб, муносиб тарзда йигитларнинг кайфиятини янада кўтарди дейиш мумкин.
Албатта клубга янги автобус тақдим этилгани жамоанинг ҳар бир аъзосини янада тўлқинлантирди ва муҳим баҳслар олдидан қўшимча қуч бағишлади.
Эндиликда "Бухоро" бироз эскирган "Mercedes" русумли австобусидан эмас балки "MAN" русумидаги янги автобусидан фойдаланмоқда.







"Бухоро" матбуот хизмати.