Бугун Сречко Катанец тарихий натижани такрорлаши мумкин

Агар терма жамоамиз ушбу учрашувда мағлуб бўлмаса, 30 йиллик натижани такрорлаши мумкин бўлади. Яъни, Ўзбекистон терма жамоаси мағлубиятсиз сериясини 11 та учрашувга етказиб олади.

Сўнгги бор терма жамоамиз Рустам Акрамов бошчилигида 1994 йилда кетма-кет 11 та учрашувда мағлуб бўлмаган.

Маълумот учун, Ўзбекистон МТЖнинг мағлубиятсиз серияси 2023 йилнинг 12 сентябрь ойидан бери давом этмоқда. Шу вақт орасида терма жамоамиз 10 та ФИФА мақомидаги учрашувда иштирок этиб, ҳеч бирида мағлуб бўлмаган.

Ушбу мағлубиятсиз серияни 13 та ўйин деб ҳам ҳисобласак бўлади, бироқ бу ерда Қирғиз Республикаси, Вьетнам ва Фаластинга қарши учрашувлар киритилмаган. Сабаби ушбу баҳслар ФИФА рейтингига таъсир қилмаган учрашувлар ҳисобланади.