Бугун клублар ўртасидаги жаҳон чемпионатига қуръа ташланади

Ушбу турнир 6-16 декабрь кунлари Абу Даги ва Ал-Айн шаҳарларида бўлиб ўтади.

Мусобақа иштирокчилари:

"Ал-Жазира" (Мезбон, БАА чемпиони)

"Окленд Сити" (Океания Чемпионлар лигаси ғолиби)

"Пачука" (КОНКАКАФ Чемпионлар лигаси ғолиби)

"Реал" (УЕФА Чемпионлар лигаси ғолиби)

Африка Чемпионлар лигаси ғолиби (5 ноябрда ғолиб аниқланади)

ОФК Чемпионлар лигаси ғолиби (25 ноябрда ғолиб аниқланади)

Либертадорес Кубоги ғолиби (29 ноябрда ғолиб аниқланади)

Қуръа жараёни

Турнирдаги илк учрашув "Ал-Жазира" ва "Окленд Сити" клублари ўртасида бўлиб ўтади. Ушбу жуфтлик қуръада бир шар бўлиб иштирок этади ва ғолиб жамоа чорак финалда ОФК Чемпионлар лигаси ғолиби, Африка Чемпионлар лигаси чемпиони ва "Пачука" билан ўйнаши мумкин. Либертадорес Кубоги ғолиби ва "Реал" турнирга ярим финалдан қўшилишади.

B - ОФК Чемпионлар лигаси ғолиби, Африка Чемпионлар лигаси чемпиони ва "Пачука"

C - Либертадорес Кубоги ғолиби ва "Реал"

Эслатиб ўтамиз, ушбу турнирда иштирок этадиган "Ал-Жазира" сафида ҳамюртимиз Сардор Рашидов тўп тепади. Агар у ушбу мусобақада қатнашса, Рашидов клублар ўртасидаги жаҳон чемпионатида қатнашган биринчи ўзбекистонлик бўлиши мумкин. Яна бир юртдошимиз Одил Аҳмедов эса "Шанхай СИПГ" билан ОФК Чемпионлар лигасидаги юришини давом эттирмоқда. Шанхайликлар ярим финалнинг илк учрашувида "Урава Ред Даймондс" билан 1:1 ҳисобида дуранг қайд этишди. Жавоб учрашуви 18 октябрь куни бўлиб ўтади.