Бошкович "гап ёшда эмаслиги"ни исботлаяпти

"Бунёдкор"нинг олдинги устозлари таркибнинг тажрибасизлиги ҳақида кўп гапиришарди. Бошкович эса гап ёшда эмаслигини амалда исботлади. Черногориялик мутахассис 1 млн сўмга ўйнайдиган йигитчалар билан лиганинг молиявий жиҳатдан энг бақувват клубини ҳам ютиб қўйяпти. 

"Навбаҳор" мағлуб қилинган баҳсда 6 нафар 20 ёшга кирмаган "қалдирғоч" майдонга тушди. Уларнинг барчаси "Бунёдкор" академиясининг меваси бўлиб, 1 йил олдин ҳеч ким танимасди.

Шуниндек, Умид Султонов ҳақида алоҳида гапириш керак. 2003 йилда туғилган футболчи Шуҳрат Мақсудов томонидан кашф қилинган эди. Хоразмлик вингернинг потенциали ростан ҳам жуда юқори. 

Нима билан боғлиқлигини билмайману, Умид расмий ўйинларда ўзини кўрсатолмаётган эди. Бошкович ёки Абдуҳамид Қодиров Султоновнинг тилини топган кўринади, дарҳол жамоанинг энг фойдали аъзосига айланди.

1. "Олимпик" билан дурангни таъминлаган пенальтини у ишлаганди.

2. "Навбаҳор"га қарши ўйиннинг охирги дақиқасидаги "11"ни ҳам у ишлади.

3. Бекободдаги баҳсда "Бунёдкор"га 3 очко кетирган голни уриб кетди.

Бу йигитча "портловчилик" хусусиятига эга. Бир лаҳзада ўйин тақдирини ўзгартириб юбориши мумкин. Масалан, юқорида саналган 3та ҳаракат "Бунёдкор"га 5 очко келтирди...", — дейилади "Футбол АНАЛИЗИ" каналида.