Бонуччи "Ювентус" билан хайрлашиш учун газетада нима иш қилганини биласизми?
15 июл 2017 17:12
Новости

Бонуччи "Ювентус" билан хайрлашиш учун газетада нима иш қилганини биласизми?

"Ювентус" футболчиси Леонардо Бонуччи "Милан"га ўтиш олдидан туринликлар билан хайрлашиш учун "Gazzetta dello Sport" газетасининг бир саҳифасини сотиб олди.

"Еттита мавсум ортда қолди. Ушбу мавсумдаги ғалабаларнинг барчаси жамоадаги ажойиб муҳит эвазига қўлга киритилди. Олтита скудетто. Албатта, клуб Чемпионлар Лигаси ғолибига айлана олмагани афсусланарли. Лекин, мана шундай катта оиланинг аъзоси бўлган инсон фахр туйғусини ҳис қилади.

Мен жамоа учун доимо бор кучимни берганман. Клубдошларим, дўстларим ва мухлислар билан ажойиб даврни ўтказдик. Барчаси учун раҳмат, "Юве", - дейилади Бонуччининг баёнотида.

Эслатиб ўтамиз, Бонуччи 40 миллион евро эвазига "Ювентус"дан "Милан"га кўчиб ўтди.