Бобур Зуҳриддинов: "2та пенальти ура олмадик ва 5та гол ўтказдик"
10 июн 2016 22:09
Новости

Бобур Зуҳриддинов: "2та пенальти ура олмадик ва 5та гол ўтказдик"

"Машъал" - "Обод" (5:0) учрашувидан сўнг меҳмонлар устози Бобур Зуҳриддинов матбуот анжуманида иштирок этди.

"Биз учун жуда ҳам омадсиз ўйин бўлди. 2 марта 11 метрли жарима тўпидан гол ура олмадик ва ҳимояда кўплаб хатолар туфайли мағлуб бўлдик", - деб гап бошлади Зуҳриддинов.

"Бу ерга ғалаба умидида келгандик. Лекин рақиб учрашувга жуда яхши тайёрланибди. Биринчи пенальтидан гол ура олганимизда учрашув жуда қизиқарли кечарди. Оқибатда 5та гол ўтказиб юбордик".

"Мағлубиятда бош айбдор менман. Футболчиларни баҳсга яхши тайёрлай олмадик. Олий лигада қолиш учун бор билимизни ва бор имкониятимизни ишга соламиз".

"Баъзи йигитларда руҳият билан қийинчиликлар бор. Ўйин яна ҳам қийинлашиб бораётганда футболчилар ўзларини йўқотиб қўйишмоқда", - дейди Бобур Зуҳриддинов.

"Машъал" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +7