Биринчи лига. “Шарқ” минтақаси, 11-тур статистикаси

“БАНКИРЛАР” “ОҚ-ТЕПА”НИ МАҒЛУБ ЭТДИ ЁХУД “ХОТИРА-79” БИРИНЧИ БОСҚИЧ ПЕШҚАДАМИ БЎЛДИ!
22 май куни “Қўқон-1912” ўз майдонида “УзДонгЖу”ни қабул қилди ва 2:1 ҳисобида иродали ғалабага эришди. Гарчи қўқонликлар бу турда ғалаба қозонган бўлса-да, биринчи босқични 3-ўринда якунлади.

“Бунёдкор-2” эса “Обод”ни қабул қилиб кутилмаганда имконятни бой берди.

Наманган дербисида “Хотира-79” “Косонсой”ни мағлуб этди. Ушбу ғалабадан кейин уйчиликлар турнир жадвалида пешқадамлик қилмоқда.  

11-турда Тошкентда ҳам дерби бўлиб ўтди. “Истиқлол” – “Пахтакор-2” баҳсида майдон эгалари йирик 5:1 ҳисобида ғалаба қозонди.

Яна бир пойтахт кичик дербиси мухлисларнинг диққат марказида бўлди. Олий лигага чиқишни кўзлаётган “Оқ-тепа” ўз майдонида “НБУ-Осиё”ни қабул қилди. Қизиқарли кечган баҳсда тажриба барибир ўз сўзини айтди. Мезбонлар ҳар қанча ҳаракат қилмасин, “банкирлар” якунда 3:0 ҳисобида ғалаба қозонди.

Ушбу турда бош мураббийсиз қолган “Чуст-Пахтакор” “Локомотив-БФК”ни қабул қилиб учрашув сўнггиларида ғалабани қўлдан чиқарди.

ГОЛЛАР
* 11-турнинг жами 6та ўйинида 19та гол қайд этилди. Бу ҳар бир ўйинга ўртача 3,16тадан гол демакдир.
* Киритлган голларнинг 10таси мезбонлар ҳисобига ёзилди.
* Қолган 9та тўпни меҳмонлар киритган.
* Учрашувларнинг биринчи таймида мухлислар 8та голга гувоҳ бўлди.
* Иккинчи бўлимда эса яна 11та гол киритилди.
* Мазкур турда ҳакамлар 3та пенальти белгилади. Эътиборлиси уларнинг ҳаммаси аниқ амалга оширилган!
Пенальти тепган футболчилар:
  Исроил Турсунов – “Истиқлол”
  Расул Шуҳратов – “Обод”
  Шаҳбоз Жумабоев – “УзДонгЖу”
* Ушбу турда 3та футболчи дубл қайд этди.
* Азамат Розиқов – “Истиқлол”
  Отабек Ҳайдаров – “Қўқон-1912”
  Бахтиёр Қосимов – “Обод”
* Хет-трик қайд эттган футболчи Исроил Турсунов бўлди!

ОГОҲЛАНТИРИШ ВА ЧЕТЛАТИШ
* Огоҳлантиришглар ҳақида гап кетганида 11-турда ҳаммаси бўлиб 22та сариқ карточка кузатилганини айтиш мумкин.
* Бу ҳар бир ўйинга ўртача миқдорда 3,66тадан сариқ карточка демакдир.
* Мезбон жамоа футболчиларининг 11 нафари сариқ билан “сийланган” бўлса, меҳмонлардан 11та ўйинчи огоҳлантирилган.
* Учрашувларнинг биринчи бўлимида 8та сариқ карточка кўрсатилган!
* Иккинчи таймда эса яна 14та сариқ карточка қайд этилган!
* “Оқ-тепа” сариқ карточка олмаган ягона ва шу билан бирга интизомли жамоа бўлди!
* “Оқ-тепа” – “НБУ-Осиё” баҳсида бош ҳакам атига битта футболчини сариқ билан “сийлаган”
* 11-турда атига битта футболчи қизил карточка олиб майдонни тарк этди.
“Косонсой” футболчиси Абдуғофур Абдулбоқиев “Хотира-79”га қарши кечган баҳснинг 27-дақиқасида майдондан четлатилган.  

МУХЛИСЛАР
Ушбу турнинг 6та ўйинига жами 10796 нафар мухлис қадам ранжида қилди. Ҳар бир учрашувга ўртача 1799,33тадан томошабин демакдир.

* Энг кўп ишқибоз ташрифи яна Қўқонда кузатилди. “Қўқон-1912” – “УзДонгЖу” баҳсини 6352 нафар томошабин бевосита стадионда ўтириб кузатгани учрашув қайдномасида ёзиб кўрсатилган!

* Аксинча энг кам томошабин Тошкентда кечган “Бунёдкор-2” – “Обод” баҳсида кузатилди. 27 нафар мухлис!   

Томошабинлар ташрифи кимда қандай?
«Қўқон-1912»  – «Уз-Донг-Жу»– 2:1. 6352 томошабин.
«Бунёдкор-2» – «Обод» - 1:3. 27 томошабин.
«Хотира-79» – «Косонсой» – 1:0. 3007 томошабин.
«Истиқлол» – «Пахтакор-2» – 5:1. 112 томошабин.
«Оқ-тепа»  – «НБУ-Осиё»  – 0:3. 495 томошабин.
«Чуст-Пахтакор» – «Локомотив-БФК» – 1:1. 803 томошабин.

11-ТУРДАН КЕЙИНГИ ВАЗИЯТ

№	Жамоа	Ў	Ю	Д	М	УГ - ЎГ	Т-Н	Очк
1	Хотира-79	11	7	2	2	16 - 9	7	23
2	Оқ-тепа	11	7	1	3	17 - 13	4	22
3	Қўқон-1912	11	6	4	1	19 - 7	12	22
4	НБУ-Осиё	11	6	2	3	18 - 11	7	20
5	Обод	11	6	0	5	18 - 17	1	18
6	Косонсой	11	5	1	5	23 - 19	4	16
7	Истиқлол	11	5	1	5	23 - 25	-2	16
8	УзДонгЖу	11	4	0	7	15 - 18	-3	12
9	Локомотив БФК	11	2	5	4	9 - 13	-4	11
10	Бунёдкор-2	11	2	3	6	13 - 20	-7	9
11	Пахтакор-2	11	2	3	6	10 - 20	-10	9
12	Чуст-Пахтакор	11	2	2	7	12 - 22	-10	8

ТЎПУРАРЛАР:
Исроил Турсунов (“Истиқлол”) – 11та.
Фарҳод Шокиров (“Чуст-Пахтакор”) – 8та.
Абдураззоқ Жўраев (“Косонсой”) – 8та.
Исломбек Исоқжонов (“Хотира-79”) – 7та.
Абдулатиф Абдуқодиров (“НБУ-Осиё”) – 7та.

ОСТОНАМИЗДАГИ УЧРАШУВЛАР
12-тур. 31 май (шанба)
 “Уз-Донг-Жу” – “Қўқон-1912”
 “Обод” – “Бунёдкор-2”
 “Пахтакор-2” – “Истиқлол”
 “НБУ-Осиё” – “Оқ-тепа”
2 июнь (душанба)
 “Локомотив-БФК” – “Чуст-Пахтакор”
 “Косонсой” – “Хотира-79”

Исломбек Рустамбеков тайёрлади.