Биринчи лига ўйинлари мухлисларда қанчалик қизиқиш уйғотмоқда?

 Қуйида эса, “Шарқ” минтақасидаги мухлислар ташрифи борасида маълумот бериб ўтамиз. Хўш, биринчи лига ўйинлари томошабинларда қанчалик қизиқиш уйғотмоқда?

ТОМОШАБИНЛАР МЕҲРИ
 “Шарқ” минтақасидаги биринчи босқичнинг 132та ўйинига жами 170836та томошабин кирган! Бу ҳар бир учрашувга ўртача 1295та мухлис демакдир! Тан олиш керак ушбу минтақада мухлислар қизиқиши у қадар юқори эмас. Буни ҳар бир турда ташриф буюраётган мухлислар миқдоридан ҳам билиб олиш мумкин. Айниқса Тошкент жамоалари иштирокидаги ўйинларга бармоқ билан санарли мухлис кираётганига кўп бор гувоҳ бўлмоқдамиз. Энг кўп мухлис 1-турда кузатилди. Ушбу турда ҳаммаси бўлиб 13206та томошабин киргани ўйинлар қайдномасида кўрсатилган. 21-турда эса аксинча холат кузатилди. Боиси мазкур турнинг олтита ўйинига жами 3243та ишқибоз қадам ранжида қилган!

Томошабин тўплаш борасида, “Андижон”, “Қўқон-1912” ва “Чуст-Пахтакор” жамоалари бошқаларга нисбатан фаоллик кўрсатишаётганини алоҳида таъкидлаб ўтиш керак.

Қўйида ҳар бир турда қайд этилган томошабинлар миқдори билан танишишингиз мумкин.

1-тур. 13206 (ўртача 2201та)
2-тур. 13119 (ўртача 2187 та)
3-тур. 5703 (ўртача 951та)
4-тур. 4455 (ўртача 743 та)
5-тур. 8864 (ўртача 1478та)
6-тур. 9833 (ўртача 1639та)
7-тур. 6830 (ўртача 1139та)
8-тур. 8426 (ўртача 1405та)
9-тур. 9053 (ўртача 1509 та)
10-тур. 8194 (ўртача 1366та)
11-тур. 12640 (ўртача 2107та)
12-тур. 4946 (ўртача 825та)
13-тур. 6755 (ўртача 1126та)
14-тур. 5834 (ўртача 973та)
15-тур. 8067 (ўртача 1345та)
16-тур. 8599 (ўртача 1433та)
17-тур. 6113 (ўртача 1019та)
18-тур. 4391 (ўртача 732та)
19-тур. 10399 (ўртача1733та)
20-тур. 8008 (ўртача 1335та)
21-тур. 3243 (ўртача 541та)
22-тур. 4158 (ўртача 693та)

Исломбек РУСТАМБЕКОВ тайёрлади.