Сергей Лебедев: "Назаримда, бугунги ўйинда ёмон ҳаракат қилмадик"
30 апр 2025 22:45
Новости

Сергей Лебедев: "Назаримда, бугунги ўйинда ёмон ҳаракат қилмадик"

Ўзбекистон кубоги 2-туридан ўрин олган "Нефтчи" - "ФарДУ" (3:1) учрашувидан сўнг меҳмонлар бош мураббийи Сергей Лебедев матбуот анжуманида иштирок этди.

Ўйин ҳақида

- Ёмон ўйин ўтказмадик деб ўйлайман. Суперлига вакили, шунингдек чемпионликни мақсад қилган жамоага қарши учрашувда йигитлар ёмон ҳаракат қилишмади. Жамоамиз вакилларига эътирозим йўқ, қўллаб-қувватлаган мухлисларга рахмат.

- Бугунги ўйин жамоангиз учун қанчалик тажриба бўлди?

- Гол албатта хатодан кейин киритилади. Бугун кучли рақибга қарши ўйинда камчиликларимизни кўриб олдик. Футбол шунақа ўйин, бизга дарс бўлган вазиятлар бўлди. Тўғри хулоса чиқарган ҳолда ишлашда давом этамиз.

- Сергей Лебедев "Нефтчи"га қарши ўйинларда ўзини қандай ҳис қилади?

- "Нефтчи"да ўйнаганман, ишлаганман. Мен учун қадрдон клуб. Лекин ҳар қандай жамоа сизга қарши ўйнаса, бу - рақиб. Ғалабани мақсад қилган ҳолда майдонга чиқиш менинг мураббийлик вазифам.

Ссылка :

Источник : championat.asia

Получайте новости прямо в Telegram!

Рейтинг: +2