Бастиан Швайнштайгер Харри Кейнга маслаҳат берди

"У ҳатто юз тузилиши ҳамда сочларининг ранги билан ҳам немисларга ўхшайди. Ҳа, унинг Германияга кўчиб ўтишини яхши иш деб ҳисоблайман.

У аввало ўзига савол бериши керак: мен совринлар ютишни истайманми? Масалан, Европа чемпионлар лигаси. Харри ўз оиласи ва дўстлари ёнида кўпроқ бўлишини исташини тушуниб турибман, бу унинг учун энг яхши жой. 

Аммо хориж чемпионатларида ўйнаш ҳам футболчига катта тажриба беради. Масалан, мен "Манчестер Юнайтед"да ўзим ва фаолиятим учун катта тажриба олганман. Албатта, бу ерда топ-клуб ҳамда яхши мураббий бор эди. Кўп нарсалардан ўзим учун фойда олгандим", - деди Бастиан.

Олдинроқ маълум қилинганидек, Харрига "Бавария" жиддий қизиқиш билдирмоқда. Ўз навбатида яхши сумма бўлса, "Тоттенхэм" ҳам форвардини сотишга қаршилик билдирмаяпти.