Аъзамов ва Суюнов иккинчи даврада қаерда ўйнаши маълум

"Пахтакор" "Насаф"га ушбу икки футболчи борасида таклиф билан чиққани ҳақида хабар бергандик.

"Пахтакор" "Насаф" сардорига ҳам жиддий қизиқмоқда

Элдорбек Суюнов "Пахтакор" билан оғзаки келишувга эришди

Кеча "Қўқон-1912"га қарши ўйиндан кейинги матбуот анжуманида "аждарлар" устози Рўзиқул Бердиев ҳам ушбу хабарни тасдиқлади.

Ҳар иккала клуб вакиллари ушбу трансферлар бўйича деярли аниқ тўхтамга келишган.

Шерзод Аъзамов ва Элдорбек Суюновнинг "Пахтакор"га ўтиши деярли аниқ бўлган.

Томонлар энди ҳужжатли ишларни амалга ошириб, трансферни расмийлаштиришлари кутилмоқда.

Эслатиб ўтамиз, Шерзод Аъзамов ва Элдорбек Суюнов "Машъал" академияси тарбияланувчилари саналишади.

Аъзамов "Насаф"га 2009 йилда, Суюнов эса 2011 йилда жамоага келиб қўшилганди.

Бу орада Аъзамов "Насаф" билан кумуш ва бронза медалларини  бир неча бор қўлга киритишга улгурди. Шунингдек, Аъзамов ва Суюновга Ўзбекистон кубоги ҳамда ОФК кубогида ҳам зафар қучиш насиб этди.