Авазхон Маматхўжаев: "Қўқон-1912" водий дербисида ижобий натижа қайд этмоқчи"
22 ноя 2021 21:20
Новости

Авазхон Маматхўжаев: "Қўқон-1912" водий дербисида ижобий натижа қайд этмоқчи"

Теги : Авазхон Маматхўжаев Қўқон-1912

Суперлиганинг 25-туридан ўрин олган “Қўқон-1912” – “Насаф” (2:2) учрашувидан сўнг мезбонлар футболчиси Авазхон Маматхўжаев билан суҳбатлашдик.

Ўйин хусусида

- Бугун мухлисларимиз қаршисида ғалаба қозониб, уларни хурсанд қилмоқчи эдик. АГМКга қарши ўйин жорий мавсумдаги уйдаги сўнгги беллашувимиз эди. Бироқ ўйин жуда шиддатли кечди. Биз кутилмаганда гол қўйиб юбордик. Ютқазаётганимиздан келиб чиқиб, ҳисобни тенглаштириш учун ҳаракат қилдик. Якунда эса ўзимизга керакли бўлган голни уриб, мағлубиятдан қутулиб қолдик.

АГМК борасида

- Хабарингиз бор, АГМК таркиби жиҳатидан Cуперлигадаги энг кучли жамоалардан бири. Бежиз совринли ўринлар учун курашмаётганини исботлаб келмоқда. Ютқазиб ҳам қўйишимиз мумкин эди. Рақибга муносиб ўйнадик дея оламан.

Йўл қўйилган хато тўғрисида

- Бош мураббийимиз ўйин бошида хато қилмаслигимизни айтганди. Биз эса кутилмаганда гол қўйиб юборганимиз сабабали режаларимиз бироз ўзгариб кетди. Бу эса қолган вақт давомида ишимизни қийинлаштирди.

Охирги тур ҳақида

- Сўнгги турда бизни водий дербиси кутмоқда. Бу ўйинни сабрсизлик билан кутмоқдамиз. Наманганда ажойиб атмосфера хукмронлик қилади. Қолаверса, мухлислар тўла майдонда тўп тепиш бошқача. Биз ушбу ўйинда ижобий натижа қайд этмоқчимиз.

Ссылка :

Источник : championat.asia

Получайте новости прямо в Telegram!

Рейтинг: +2