“Атлетико” 8 та ўйинда атиги битта гол ўтказди

Бу билан  Мадрид жамоаси ўзи иштирок этаётган барча мусобақаларда  сўнгги саккизта учрашувидан еттитасини “қуруқ” ўтказди. Жамоа дарвозабони Ян Облак дарвозасига йўлланган 19 та аниқ зарбанинг 18 тасини қайтаришнинг уддасидан чиқди.

Бу давр ичида мадридликлар фақат бир марта – ўтган турда “Валенсия”га (1:1) қарши баҳсда ўз дарвозаларидан тўп олиб чиқишди. “Кўршапалаклар” ярим ҳимоячиси Даниэль Парехо 82-дақиқада жарима зарбасидан Облакни доғда қолдирганди.

“Атлетико” жорий мавсумда Ла Лига баҳсларида ўз дарвозасидан атиги бешта гол ўтказиб юборди ва бу борада Испания чемпионатида энг яхши кўрсаткични қайд этиб турибди.