Асрор Алиқулов: "Сунъий майдонда ўйнаш - "Арал Самали"нинг ўйин услуби"

"Ўйиннинг сунъий майдонда ўтиши "Арал Самали"нинг ўйин услуби дейиш мумкин. Шунга яраша тайёргарлик кўргандик, биз кўпроқ ҳужумдаги ва ҳимоядаги ҳаракатларимизга эътибор қаратдик. Ўйин охирларида гол ўтказиб, ғалабани қўлдан чиқардик.

"Арал Самали" асосан узун паслар билан ўйнашади, ҳатто аутдан ҳам шундай услубда ўйнайди. Шу боис кўпчилик бўлиб ҳимояландик. Бугун футбол кўп бўлмади, асосан стандарт вазиятлар, тўп узатишлар кузатилди.

Йил бошида бизнинг таркбимиз бошқача эди, 70-80 янги футболчилар келиб қўшилди. Шу боис ўйинимиз ва натижалар ўзгарди.

Молиявий ҳолатимиз? Ҳомий ўзгарганидан кейин бир муддат қийинчиликлар бўлди. Клубимиз раҳбарияти муаммоларни ҳал қилишди, 4 ой давомида сабр қилишгани учун футболчиларга ҳам раҳмат айтаман. Ҳозир ҳаммаси жойида", - дейди Асрор Алиқулов.