Асрор Алиқулов: "Бу биз учун шармандали мағлубият ҳисобланади"

"Арал Самали"ни ғалаба билан табриклайман. Футболчилар иштиёқ эвазига ғалаба қозонишди дея оламан. Дейлик, улар умуман вазият яратгани йўқ. Битта ҳолатда пенальти ишлади ва бундан фойдалана олди. Биз эса имкониятларимиздан фойдалана олмадик. Бу биз учун шармандали мағлубият ҳисобланади. Бугунги ўйинимиздан келиб чиқиб айтадиган бўлсак, биз юқори ўринлар учун курашадиган жамоа эмаслигимизни мухлислар олдида кўрсатиб қўйдик", – деди Алиқулов.

- Жамоанинг асосий мақсади қандай?

- Биринчи мақсад кучли бешликка кириш эди. Бугун рақиб бирорта вазиятга эга бўлгани йўқ. Лекин ҳимояда жуда қаттиқ ҳаракат қилишди. Иштиёқ баландлиги кўзга ташланди. Биз эса вазиятлардан фойдалана олмадик ва мағлубиятни қабул қилиб олдик. Аслида ўйинга яхши тайёргарлик кўргандик. 

- "Шўртан" биринчи даврада "Арал Самали"ни ўз майдонида 6:0 ҳисобида мағлуб қилганди. Бугунги натижадан келиб чиқиб айтадиган бўлсак, жамоада нимадир ўзгардими?

- Биринчи навбатда майдон. "Арал Самали" сунъий майдонда ҳаракат қилади. Биз футболчилардан тезроқ ўйнаш лозимлигини таъкидлагандик. Биринчи бўлимда биз яхши ўйнадик ва рақиб нисбатан кучсиздек кўринди. Лекин биз бундан фойдалана олмадик. Танаффусдан кейин "Арал Самали" гол ургач, йигитларнинг кайфияти тушиб кетди. Балки Зоиров гол урганида, ҳисоб йирик ҳисобда якунланиши мумкин эди.