Анвар Бердиев: "Истиқлол" тобора фарғоналик футбол мухлисларининг севимли жамоасига айланиб бормоқда"
04 апр 2019 21:53
Новости

Анвар Бердиев: "Истиқлол" тобора фарғоналик футбол мухлисларининг севимли жамоасига айланиб бормоқда"

“А” Про-Лига 1-туридан ўрин олган “Ифтихор”- “Истиқлол” (0:3) учрашувидан сўнг тажрибали футболчи Анвар Бердиев қуйидагича фикрларни билдирди.

Авваламбор янги мавсум бошланганлиги билан барчани табриклайман. Мавсумнинг боши, дастлабки учрашувда футболчиларда бир оз ҳаяжон кузатилади. Шундай бўлсада бугунги ўйинда ғолиб бўлдик, жамоамиз мухлисларини ғалаба билан табриклайман. “Истиқлол” тобора фарғоналик футбол мухлисларининг севимли жамоасига айланиб бормоқда. Бошланиши яхши бошланди, айтишадию, қандай бошласанг, шундай давом этади деб. Бундан буёғига ҳам учрашувларда ғалаба қозонишга астойдил ҳаракат қиламиз. Бугун киритган голимга келсак, бу гол жамоадошларимнинг меҳнати эвазига юзага келди, футболда жамоавий ўйин муҳим аҳамиятга эга.

Бугун дерби мақомидаги ўйин ўтказдик. “Ифтихор” яхши шаклланган жамоа экан, кейинги учрашувларда бу жамоа вакилларига омад тилайман.

Бекзод Толибов ёзиб олди.