Антонио Конте: "Турин - менинг уйим"

Биз ҳали жуда кўп ишлашимиз ва ўз ўйинимизни яхшилаб олишимиз лозим.
Заза ғалабаларга ташналиги билан ажралиб турибди. Лекин у бу борада ёлғиз эмас. Симоне Заза ҳали ёш ва ундан кўп нарсаларни кутмоқдаман. Иммобиле ва Дармианни футбол тилида ёш демаган бўлардим. Улар секин тажрибали футболчилар қаторига кириб боришмоқда. Лекин бу футболчилар ҳам ғалабаларга чанқоқлар. Терма жамоага келадиган футболчиларни кўзларига олов бўлиши керак. Бу жамоа мени ўзига ром этиб қўйди. Энди мен бутун Италия бўйлаб сафарлар уюштираман ва терма жамоага номзод футболчиларни қидириб бораман. Ҳақли ва муносиб футболчилар Италия шарафини ҳимоя қилишади. Кимки терма жамоадан ўрин олишни истаса, шу футболчилардек ишлашлари ва меҳнат қилишлари зарур. Мен ўзим эса бу руйхатда биринчи бўлишим лозим. Жоржио Кьеллини жароҳати бўлишига қарамасдан биз билан қолмоқчи бўлди. Шунингдек, Бонуччи, Де Росси, Буффон каби футболчилар ўсиб келаётган ёш футболчиларга ўрнак бўлишмоқда.
Илк йиғинимиз аъло даражада ўтди дея оламан. Италия терма жамоасининг янги авто-улови эндигина йўлга отланмоқда. Ҳали манзил узоқ ва бунга катта тайёргарлик зарур.
Европа чемпионатига йўл олиш ҳозирда энг катта мақсадимиз.
Виновога қачон қайтаман? Турин бу менинг уйим. Яқин кунлар ичида Туринга қайтаман.