“Андижон” ёшлари бугун Шаҳрихонда ўйнайди

“Андижон” ёшлар жамоаси бу йилги мавсумда рақибларини Шаҳрихон туманидаги стадионда қабул қилиши айтилаётганди. Биринчи турда шундай ҳам бўлди.
Аммо кейинчалик, аниқроғи 3-турда “Машъал” ёшлар жамоасига қарши кечган баҳс Андижон шаҳридаги Шўрбулоқ даҳасида ўтказилди.
Бугун биринчи лиганинг 3-туридан ўрин олган “ЎзДонгЖу” - “Обод” ўйини ҳам борлиги туфайли мухлислар Андижондаги бу икки ўйинлар қайси стадионларда ўтиши борасида қизиқиши турган гап.
Бунга ойдинлик киритиш мақсадида “Андижон” ёшлар жамоаси мураббийи Қаҳрамон Абдуқодировга мурожаат қилганимизда бугун “Андижон” - “Динамо” баҳси Шаҳрихондаги марказий стадионда ўтишини маълум қилди.

Биринчи лига иштирокчиси “ЎзДонгЖу” эса бугунги рақибини Шўрбулоқдаги сунъий майдонда қабул қиладиган бўлди.
Демак, ёшлар лигасини кўришни хоҳлаганлар Шаҳрихонга, биринчи лига ўйинини кўришни истаганлар эса Шўрбулоқ даҳасига боришлари мумкин бўлади.

Эслатиб ўтамиз Шаҳрихондаги ўйин соат 15:00да старт олса, “ЎзДонгЖу” - “Обод” учрашуви 16:00да бошланишини кўзда тутилган.