“Андижон” ҳам йиғинни бошлади

Ҳозирча машғулотлар кунига бир маҳалдан бўлиб, унда асосан маҳаллий футболчилар эканлигини таъкидлаш лозим. Асосий йиғин 20 декабрь куни бошланади ва шу куни бошқа вилоятдаги футболчилар ҳам жамоа ихтиёрига етиб келади. Андижон шаҳридаги Шўрбулоқ даҳасида жойлашган “Футболга ихтисослаштирил мактаб-интернати”нинг майдонида ўтаётган машғулотга мураббийлар – Нозим Муллаохунов билан Виталий Легай бошчилик қилмоқда. Таркибдаги ўзгаришлар ҳозирча расман тасдиқлангани йўқ. Лекин катта эхтимол билан Элдор Исабоев, Умрилло Рамазонов, Иқбол Акрамов, Рустам Аъзамов, Асқар Жадигеров, Абдумалик Абдуллаев каби футболчиларнинг жамоа билан хайрлашиши кутилмоқда. Бош мураббий масаласи ҳам ҳозирча мавҳум турибди.