Алишер Усманов: «Арсенал»даги акцияларимни сотиш ҳақида ўйламаяпман»
04 окт 2017 22:31
Новости

Алишер Усманов: «Арсенал»даги акцияларимни сотиш ҳақида ўйламаяпман»

Миллиардер Алишер Усманов «Арсенал»га оид баёнотни эълон қилди.

Бизнесмен Лондон клубидаги акцияларини Стэн Кронкега сотмаслигини маълум қилди.

«Сўнгги кунларда «Арсенал»даги менга тегишли 30 фоиз акциялар сотилиши мумкинлиги ҳақида хабарлар чиқди. Мен мистер Кронке билан ҳеч қандай музокара ўтказмаяпман.

Мен доим акцияларимни кўпайтириш ҳақида ўйлайман. Мен Кронкега унинг акцияларини сотиб олиш учун 2 миллиард фунт таклиф қилганман. Бу таклиф ҳамон ўз кучида турибди.

Ҳар доим «Арсенал»нинг ашаддий мухлиси бўлиб қолавераман», – дейди Усманов.