Александр Ежов: "Бир очко қўлга киритдикми ёки йўқотдик? Буни мавсум охирида билиб оламиз"

"Ҳамма гувоҳ бўлди, учрашув қизиқарли руҳда ўтди. Иккинчи бўлимга келиб ҳужумга ўтдик, вазиятлар юзага келтирдик. Гол уришимиз мумкин эди. Учинчи ўйиндирки ҳужумда ишларимиз юришаётгани йўқ. Боз устига таркибда ротатциялар қилишга мажбур бўляпмиз. Про лига даражаси ўсаётгани учун ҳеч бир баҳс осон ўтаётгани йўқ. Мухлислар билан тўлган стадионда ўйнаш барибир бошақача завқ беради. Бунинг учун "Янгиер" жамоаси мухлисларига раҳмат айтаман. Ажойиб муҳит ҳосил қилишди. Ўйин ҳаммага ёқди, деб ўйлайман.

Бир очко яхшими ёки ёмонмми мавсум якунида билиб оламиз. Ҳозир очколарни ҳисоблаб бўлмайди. 

Ҳа, қизил карточкалар олиш бўйича биринчи ўриндамиз. Лекин бу жамоада тартиб йўқ, дегани эмас. Футболчиларнинг аксарияти Суперлига даражасида. Масалан Рўзимбой Аҳмедовда иштиёқ ва хоҳиш юқори. Ҳиссиёт гоҳида кўп нарсадан устун келиб қолади. Бу борада ишлаймиз. Жамоада тартиб ва интизом кучли. Айтганимдек йигитларда олдинга интилиш учун хоҳиш катта. 

Бундай қийин ўйинлардан сўнг футболчиларга дам берамиз. Суъний майдонда ўйнаяпмиз. Сарвар Жуманиёзов жарроҳлик амалиётидан сўнг тикланганди. Яна жароҳат олди. Балки кўпроқ дам олиш имкониятини берармиз",- дейди Александр Ежов.