АГМК Туркиядаги сўнгги ўйинда дуранг ўйнади

"Спартак Суботица" жамоасига қарши учрашувни қўшни қирғизистонлик ҳакамлар бошқариб боришди. Учрашув анчайин асабий ва қўпол тарзда ўтди. Рақиб жамоа томонидан амалга оширилган қўполликлар ҳакам томонидан беэътибор қолдирилиши кўплаб эътирозларга сабаб бўлди. Ўйин давомида АГМКнинг бир неча футболчиси жароҳат сабаб майдонни тарк этди.

Гарчи учрашувда ҳисоб очилмаган бўлсада, ҳар икки дарвоза олдида гол уриш учун имкониятлар етарлича бўлди.

Мазкур баҳс билан АГМКнинг Анталияда ташкил этган илк ўқув-машғулот йиғини якунига етди. Жамоа аъзолари бугун Анталия - Истанбул - Тошкент йўналишида ватанимизга қайтишади.