Абрахам кўз жароҳатидан сўнг операция қилинди
21 фев 2023 09:25
Новости

Абрахам кўз жароҳатидан сўнг операция қилинди

"Рома" ҳужумчиси Тэмми Абрахам кўзидан кичик жарроҳлик амалиётини ўтказгач, аҳволи яхши эканлигини тасдиқлади.

Аммо барибир "Рома"нинг Европа Лигаси доирасидаги "Зальцбург"га қарши бўлиб ўтадиган ўйинини ўтказиб юбориши мумкин.

25 ёшли англиялик ҳужумчи А Серия 23-тури доирасидаги "Верона"га қарши баҳснинг 15-дақиқасида Жанлука Манчини билан тўқнашув натижасида чап кўзи қовоғидан жароҳат олиб, майдонни тарк этишга мажбур бўлди. У "Олимпико" стадионини тарк этиб, дарҳол касалхонага йўл олди.

"Calciomercato" маълумотларига кўра, Абрахам операция қилинган, амалиёт давомида унинг чап кўзи қовоғига олтита чок тушган. Операцияни косметик жарроҳ Регина Фортунато ва офтальмолог Эмилия Кантера амалга оширди.

Англиялик ҳужумчи кўзидаги ҳар қандай жароҳатдан қутулиб қолди, аммо 23 февраль кунги "Зальцбург" билан ўйинга тайёр бўлмайди.