Абдулазиз Юсупов: “Бакланов пенальтини қайтариб руҳиятимизни кўтариб юборди”
26 мар 2016 14:54
Новости

Абдулазиз Юсупов: “Бакланов пенальтини қайтариб руҳиятимизни кўтариб юборди”

Теги : Қўқон-1912 Абдулазиз Юсупов

Ўзбекистон Кубогининг 1/8 финал доирасидан ўрин олган “Навбаҳор” – “Қўқон-1912” (0:1) учрашувидан кейин меҳмонлар аъзоси Абдулазиз Юсуповнинг фикрлари билан қизиқдик.

- Кечаги учрашувда яхши ўйнадик. Барча жамоадошларим ўзларини кўрсатишиб, ғалаба учун кўп тер тўкишди. Очиғи, беллашувдан олдин ижобий натижага эришишимизга ишонгандик. Сабаби, бош мураббийимиз Мурод ака Исмоилов бизни ўйинга ажойиб руҳда ва тўғри тактика асосида тайёрлаган эди. Футболчилар ўз вазифаларини тўлақонли бажаришди ва биз Намангандан ғалаба билан қайтдик.

Пишур пенальтидан гол урганида ғалаба қозона олармидик? Билмадим. Аниғи шуки, ўйин бошқача кўриниш оларди. Лекин жамоамизнинг тажрибали дарвозабони Андрей Бакланов пенальтини қайтариб, нафақат ўзининг, балки бизнинг ҳам руҳиятимизни кўтариб юборди. Шундан сўнг футболчиларда ўзига бўлган ишонч ортиб, меҳмонда ғалаба қозондик.

Сафардаги учрашувда ғалаба қозонган бўлсакда, ҳали ҳеч нарса ҳал бўлгани йўқ. Жавоб баҳсига ҳам жиддий тарзда тайёргарлик кўрамиз ва албатта ғалаба учун ўйнаймиз.

Фурқатбек Нишонов

Ссылка :

Источник : championat.asia

Получайте новости прямо в Telegram!

Рейтинг: +1