Барчаси учун раҳмат император

Ҳа, бу ном "Рома" афсонаси Тоттига ишлатилган. У Римда ҳақиқий император эди. Бугун Италия чемпионати ва ўзбек футболи юлдузлари ўртасидаги учрашувда барчанинг ёқимтойи Гейнрих майдонга тушади. Жонажон ва қадрдон  "Пахтакор" стадионида. Ҳа, Саша бугун айнан сени кўриш учун учрашувга бораман. Тотти Римда, сен эса мен учун Тошкентда, "Пахтакор"да шундай мақомдаги футболчисан. Сен майдонга тушар экансан нафақат менга, майдондаги барчага ишонч, кайфият берардинг. Майдон ларзага келарди. Денисов иккалангиз ҳақиқий ўзбекнинг мард ўғлонларисиз, керак бўлса жонингизни ҳам ташлаб кетишга тайёр бўлгансиз, бунга аминман. Терма жамоа либосидаги сўнгги расмий ўйининг ёдимда. Сенга қўшилиб мен ҳам йиғлаганман. Мундиалга чиқа олмаганимиз учун эмас. Сени мамлакатнинг бош жамоаси сафида бошқа кўрмаслигим учун. Тошкентда Сурияга гол урганингда ўзимдан бахтли инсон йўқдек ҳис қилганман.  

Шундай экан бундай хайрлашув учрашувига айнан сен муносибсан Саша. Барчаси учун раҳмат император.

Абдулазиз Искандаров

Муаллифнинг телеграм канали: Интервьюлар олами