А Серияда "олтин ўйин" ўтказиш тизими йўлга қўйилади

Бу ҳақида Италия футбол федерациясининг чемпионат регламентини ўзгартириш бўйича ўтказилган йиғилишида маълум қилинди. 

Агар чемпионат якунига кўра, дастлабки икки жамоа турнир жадвалида бир ҳил очко тўпласа "олтин ўйин" ўтказилади. 

Бундай ўйинда қўшимча вақт бўлмайди. Агар 90 дақиқа ичида дуранг қайд этилса, жамоалар пенальтилар сериясида иштирок этишади. 

Бу фақат Италия чемпионини аниқлаш учун ташкил этилади. Агар жамоалар Еврокубок йўлланмаси учун баҳс олиб бораётган бўлсалар, очколар тенг келган тақдирда ўзаро ўйинлар натижасига қаралади. 

Шунингдек, ўйин давомида 5 та ўзгариш амалга оширишга доимий равишда рухсат берилди.