104 мухлис, 16 гол — турнинг қизиқ рақамлари билан танишинг
04 окт 2021 11:32
Новости

104 мухлис, 16 гол — турнинг қизиқ рақамлари билан танишинг

Ўзбекистон чемпионатининг 21-тури якунланди.

"Қўқон-1912" 4:2 "Пахтакор", 6917 мухлис
"Металлург" 1:2 "Локомотив", 104 мухлис
"Машъал" 0:1 "Насаф", 2312 мухлис
"Андижон" 0:0 "Сўғдиёна", 5312 мухлис
"Бунёдкор" 1:1 АГМК, 312 мухлис
"Сурхон" 1:0 "Навбаҳор", 1278 мухлис
"Қизилқум" 2:1 "Турон", 1666 мухлис

Мазкур турни 17 901 ишқибоз стадионнинг ўзидан томоша қилди (ўтган турга нисбатан 3 500 кишига кўпроқ). Бу ҳар ўйинда ўртача 2 557 нафар томошабин аренага келаётганини билдиради. Гувоҳи бўлганингиздек, энг кўп мухлис Қўқондаги ўйинда иштирок этди (деярли 7 минг). Энг ёмон натижа эса "Металлург" — "Локомотив" ўйинида қайд этилди (104).

7 ўйинда жами 16 гол урилди (ўтган турга нисбатан 1 тага кам). Бу ҳар ўйинда ўртача 2,3 тадан гол дегани. Тўпларнинг 9 таси мезбон, 7 таси меҳмон жамоалар томонидан киритилди. Энг кўп гол "Қўқон-1912" ва "Пахтакор" ўртасидаги ўйинда урилди (6). Фақат 1 баҳсда дарвозаларга тўп киритилмади ("Андижон" — "Сўғдиёна").

Фақат 1 футболчи дублга эришди. "Қизилқум" форварди Элгужа Григалашвили "Турон" дарвозасини 2 бор ишғол қилди.

21-турда реферилар 26 марта (ўтган турга нисбатан 8та кам) чўнтакларидан сариқ рангдаги карточкаларни чиқаришга мажбур бўлишди (ўртача 3,7 тадан).

Фақат 1 футболчига қизил карточка кўрсатилди — Абдумавлон Абдужалилов ("Локомотив").

Фақат 3 бор 11 метрлик жарима зарбаси белгиланди.

Маълумот учун, ушбу турдан кейин ФИФА кунлари бошланди. Энди Ўзбекистон Суперлигасининг навбатдаги тур баҳслари 15 октябрдан эътиборан давом эттирилади.

22-тур
15.10.2021. АГМК — "Машъал"
15.10.2021. "Насаф" — "Металлург"
16.10.2021. "Турон" — "Сурхон"
16.10.2021. "Пахтакор" — "Қизилқум"
16.10.2021. "Сўғдиёна" — "Қўқон-1912"
17.10.2021 - 16:00. "Навбаҳор" — "Бунёдкор"
17.10.2021 - 18:15. "Локомотив" — "Андижон"