13 окт 2018 00:10

Тони Кросс: “Реал”нинг натижаларидан хавотирда эмасман”

“Реал” Мадрид ва Германия терма жамоаси аъзоси Тони Кросс Миллатлар Лигаси 3-тур доирасида Голландияга қарши кечадиган ўйин олдидан ўз фикрларини билдириб ўтди.

28 ёшли ярим ҳимоячининг фикрига кўра, 500 дақиқалик голсиз серия ва охирги ўйинлардаги муваффақиятсизлик, “Реал” аъзосини ташвишга солмаяпти.

“Биз бор имкониятимизни кўрсатмоқдамиз. Жамоада ҳозир бироз қийин вазият. Бу ҳақда ортиқча тўхталиб ўтирмайман. Ҳаммаси жойига тушиб кетади. “Реал”нинг бу натижасидан хавотирда эмасман ”, - дейди Кросс.

У шунингдек, “Қироллик клуби” ва Бундестимдаги ўрни ҳақида қуйидагича фикр билдирди.

“Реалда кўпроқ таянч зонада ҳаракат қилиш ёқади. Бироқ, Каземиро каби ҳимояга ёрдам беролмайман. Терма жамоада эса ҳужумкор ўйин кўрсатаяпман. Ҳозирда Киммих таянч зонада ажойиб ҳаракат қилмоқда. Жошуа Германиянинг келажаги ҳисобланади” – дея фикрига якун ясади Тони Кросс.

Источник : Marca