Zohid Nurmatov: “Bugun “Neftchi”ga omad kulib boqdi”

- O'yinni ko'rdinglar vodiy derbisi bo'lgani sababli har ikki jamoa o'rtasida shiddatli o'yin bo'ldi. O'ylaymanki oxirgi daqiqalarda “Neftchi”ga omad kulib boqdi. SHu tufayli biz mag'lubiyatga uchradik – deya gap boshladi Z.Nurmatov.

- Futbolda hech qachon tavakkal bo'lmaydi. Ikkita hujumchi bilan o'ynash bu – oldindan o'ylangan reja edi. CHunki biz mavsum davomida jamoalarga qarab 2-3ta hujumchi bilan ishtirok etamiz. SHahboz Erkinov Malayziya safaridan qaytib kelgani uchun uni 1-2-turlarda o'ynata olmagandik. Mana bugun Erkinovning jismoniy tayyorgarligi qoniqarli bo'lgani uchun maydonga tushirdik.

- Menimcha Ulug'bek Baqoev bugun maydonda necha daqiqa o'ynagan bo'lsa, bor kuchini berib o'ynadi. Uning yoshi biroz katta bo'lgani sababli ikkinchi bo'limning o'rtasida uning o'rniga boshqa futbolchi tushdi. CHunki Ulug'bek bunga qadar bor kuchini berib bo'lgandi – “Navbahor” yordamchi murabbiyi Zohid Nurmatov.

Islombek Rustambekov.