Zinchenko jamoasining MYUga uchragan mag'lubiyatini izohladi
10 mar 2020 00:06
Yangiliklar
![](https://championat.asia/upload/storage/550477_original.jpg)
![](/upload/storage/550477_220.jpg)
Zinchenko jamoasining MYUga uchragan mag'lubiyatini izohladi
Eslatib o'tamiz, APL 29-turidan o'rin olgan markaziy uchrashuvda “Manchester Yunayted” hamshaharlari ”Manchester Siti”ni 2:0 hisobida mag'lub etgandi.
“Qiyin uchrashuv bo'ldi. Yunaytedga qarshi o'ynash doim og'ir bo'lgan, chunki ular yaxshi o'yin namoyish etishadi. MYU alo darajada himoyalandi va pressing uyushtirdi. Biz esa oldingi chiziqda yanada agressivroq harakat qilib, yaratilgan vaziyatlardan unumli foydalanishimiz kerak bo'ladi.
Biz o'zimiz yanada kuchliroq o'ynashimiz kerak. Futbol faqat tashabbusni o'z ko'lingda saqlab turish emas, balki gol urish ham demakdir. G'alaba qozonmoqchi bo'lsang, albatta gol urishing, xavfli vaziyatlarni yaratishing va oldingi chiziqda bosimni oshirishing kerak. Biz raqib beshta himoyachi bilan to'p tepishini bilardik va bunga tayyor edik. “Manchester Yunayted”ni tabriklayman, bu bizning yomon o'yinlarimizdan biri edi.
O'yinni murabbiyimiz Gvardiola bilan tahlil qilamiz, u o'yin haqida o'z fikrlarini aytadi. Biz esa faqat oldinga qarab, olg'a yurishimiz kerak. Oldinda hali ko'plab uchrashuvlar bor va biz taslim bo'lishni istamaymiz”, deya futbolchining so'zlaridan iqtibos keltirmoqda Manchester Evening News.
O’xshash yangiliklar
![AMP Logo](https://championat.asia/image/logo-amp.png)
Fikrlar