"Zidan sharmanda!" Beyl endi "Real"ga kerak emas
22 iyu 2019 14:53
Yangiliklar
![](https://championat.asia/upload/storage/507889_original.jpg)
![](/upload/storage/507889_220.jpg)
"Zidan sharmanda!" Beyl endi "Real"ga kerak emas
Garet Beyl va "Real" o'rtasidagi sovuq urush cho'zilib ketdi: Zidan uelslik klubga kerak emasligi haqida ochiqchasiga gapirmoqda. "Beyl tezroq jamoani tark etishiga umid qilyapmiz, bu hamma uchun yaxshi bo'ladi. Uning transferi ustida ishlayapmiz. Garetga qarshi shaxsiy adovatim yo'q, ammo almashtirish kerak bo'lgan vaqt keldi. Men qaror qabul qilishim, biz o'zgarishimiz lozim" - deydi "Real" bosh murabbiyi Monrealdagi matbuot anjumanida.
Beylning agenti Jonatan Barrett tezda bu so'zlarga o'z munosabatini bildirdi: "SHarmanda Zidan, "Real" uchun ko'p ishlar qilgan insonga shunday deydimi?"
Bu qachon boshlandi
Zidan bahorda ketma-ket ikki marta Beylni qaydnomaga kiritmadi, so'nggi turda esa uni 90 daqiqa zaxirada ushlab o'tirdi. Bu vaziyat futbolchiga yoqmadi: O'yin yakunlanganidan so'ng, barcha futbolchilar muxlislarga minnatdorchilik bildirish uchun tribuna tomonga ketishdi, faqat Beyl hech narsa demay kiyinish xonasiga kirib ketdi.
Matbuot anjumanida Zidandan nega Beyl maydonga tushmagani haqida so'rashdi: "CHunki bugun boshqa futbolchilardan foydalanmoqchi edim. Agar o'yinchi jamoaga mos kelmasa, ish beradigan variantlarni izlashimga to'g'ri keladi".
Garet OAV bilan muloqot qilmadi, ammo Radioestadio nashrida uning intervyusi paydo bo'ldi: "SHartnoma bo'yicha yana uch yil bor. Agar ular ketishimni istashsa, har mavsum uchun 17 mln. evrodan to'lashsin. Pul to'lashmasa, shu erda qolaman".
Zidanning rejalari boshqacha. Unda xarid qilinishi va sotib yuborilishi kerak bo'lgan futbolchilar ro'yxati bor. Ketishi kerak bo'lganlar orasida Beyl nomi mavjud.
"G'oyamiz kelasi mavsumgacha hujum chizig'ini kuchaytirish. Ko'ramiz, nima bo'lar ekan. Bizga kimlar kerakligini aniq bilaman. Ammo transferlar faqat menga bog'liq emas. Men murabbiyman, klubda prezident va boshqa muhim insonlar ham bor. Biroq biz hammasini birgalikda bajaramiz" - degandi Zidan yozning boshida.
Franciyalik mutaxassis o'shandayoq Beyldan qutilib, uning o'rniga futbolchi topmoqchi edi, biroq na agent va na Beyl muzokara o'tkazishni istamadi. "Real" ustozi uelslikni Monrealdagi yig'ingacha sotib yuborishni reja qilgandi, ammo munosib takliflar yo'qligi va Beylning o'zi hech narsa qilishni istamaganligi vaziyatni og'irlashtirdi. Ko'p jarohat oladigan 30 yoshli futbolchiga kim ham katta maosh taklif qilardi.
Hozir vaziyat qanday?
Birinchidan, Beylning narxi o'tgan yilga nisbatan 30 mln. evroga pasaydi - hozir uning narxi 60 mln. evro. Ikkinchidan, Beyl va uning agenti yangi variant izlash bilan band emas - Barrett uning mijozini tekinga qo'yib yuborishlarini so'radi.
"Real" Beylni Pogbaning 170 mln. evrolik kelishuviga qo'shib yubormoqchi.
Beylda qanday takliflar bor?
"Tottenxem". Ingliz klubi Beylni qaytishi uchun 60 mln. evro taklif qildi. Maosh borasida muammo bor: "Tottenxem" Garet olayotgan maoshning yarmini to'lashga qodir. Qolganini "Real" to'lab berishi taklif qilindi. Agent hozircha bu malumotni yolg'on deb aytdi.
"Manchester Yunayted". Metro nashri bergan malumotga ko'ra, "Real" rahbariyati Pogba uchun 80 mln. evro va Isko hamda Beyllardan birini tanlab olishni taklif qildi. Ammo Manchester klubi bu transferga qiziqish bildirmayapti va Polni jamoada saqlab qolmoqchi. Biroq Pogbaning agenti Mino Rayola yarim himoyachi uchun jamoa izlayotganini bir necha marotaba takidlagandi.
Xitoy. Nomi oshkor qilinmayotgan jamoa Beylga oyiga 1,3 mln. evro to'lashga tayyor. Xitoy klubi futbolchini tekinga olmoqchi edi, ammo Madrid klubi bu kelishuvga rozi bo'lmadi.
"Inter". Italiya klubi Beylni "Real"dan ijaraga olmoqchi ekanligi va bu borada muzokaralar bo'lgani haqida mish-mishlar yurgandi, ammo hozircha aniq malumot yo'q.
Serial davom etadi.
O’xshash yangiliklar
![AMP Logo](https://championat.asia/image/logo-amp.png)
Fikrlar