JCH-2014. Mundial ishtirokchilari - Kot-d`Ivuar

Bu terma jamoasi so'nggi yillarda Afrikaning eng kuchli jamoalari qatorida tilga olinib kelmoqda. Bu bejizga emas albatta. Ushbu mamlakat futboli ohirgi yillarda jadallik bilan rivojlanib bormoqda. Agar Kot-d`Ivuar jamoasining uzoq tarixiga nazar tashlaydigan bo'lsak, bu terma jamoa o'zining ilk katta g'alabasini 1992 yilga kelib qo'lga kiritadi. Senegalda bo'lib o'tgan Afrika millatlar kubogida chempionlikni qo'lga kiritadi. Ular finalda Gana bilan o'yinda "lotoreyalar" bahsida zafar quchishadi. Ushbu g'alabadan so'ng, Kot-d`Ivuar termasi 1994 yilgi Jahon chempionati saralash bosqichida favoritlar sifatida ishtirok etishadi. Lekin o'shanda Nigeriya terma jamoasi Kot-d`Ivuarni ortda qoldirib ketadi va yakunda Jahon chempionati yo'llanmasidan quruq qoladi. Keyingi ikkita mundialni ham ular tomoshabin sifatida kuzatishga majbur bo'lishadi.



Kot-d`Ivuar terma jamoasining omadli yillari 2006 yilga kelib yana boshlanadi. Aynan o'sha yili Dide Drogba etakchiligidagi Kot-d`Ivuar Germaniya bo'lib o'tgan mundialda ishtirok etish huquqini qo'lga kiritadi. Lekin ularga qurada omad kulib boqmaydi va ular mundialdagi ilk ishtiroklarini "o'lim" guruhida boshlashga majbur bo'lishadi. Garcha jamoa guruh bosqichidan nariga o'ta olmagan bo'lsada, o'shanda afrikaliklar o'z o'yinlari bilan ko'plab futbol ishqibozlarini qalbidan joy olishadi.

Kot-d`Ivuarning Jahon chempionatlaridagi ilk golini Dide Drogba Argentina terma jamoasi darvozasiga kiritadi. SHundan so'ng Gollandiya bilan bo'lgan o'yinda ham Kot-d`Ivuar munosib harakat qiladi va yakunda 2:3 hisobida mag'lubiyatga uchrab, guruhdan chiqish imkoniyatini qo'ldan boy beradi. Guruh bosqichi so'nggi turida Serbiya bilan bahs boylagan Kot-d`Ivuar 3:2 hisobida raqibini mag'lub etib, mundial tarixidagi o'zining ilk g'alabasini nishonlashga muvofaq bo'lishadi.



SHuni qo'shimcha qilib aytib o'tish mumkinki, 2006 yilgi mundialda Kot-d`Ivuar safidan o'rin olgan barcha futbolchilar legioner maqomiga ega bo'lishadi va ichki chempionatdan hech kim to'p tepmaydi. Bu o'ziga xos rekord hisoblanadi.

Germaniya bo'lib o'tgan mundial Kot-d`Ivuarlik futbol muxlislari o'z jamoalari o'yini katta olqishlar bilan qabul qilishadi va o'z mamlakatlariga uarni katta bayram qilib kutib olishadi. Aynan o'sha yili ushbu terma jamoaning dunyo bo'ylab ko'p ming sonli muxlislari paydo bo'lgan va butun dunyo shunday terma jamoa borligidan xabar topgani ham haqiqat.



Terma jamoaninig bunday natija va yangi pog'onaga chiqishida Dide Drogba, Zokora, Yaya Ture, Abul Qadir Keyta, Jil Yapi Yapo, Aruna Kone, Aruna Dindan, Bakari Kone, Emerse Fae, Kolo Ture, Emmanuel Ebue kabi futbolchilarning xizmatlari beqiyos bo'lgan.

SHundan so'ng Kot-d`Ivuar keyingi JARda bo'lib o'tgan mundialning final bosqichida ham ishtirok etishga muvofaq bo'ldi. Lekin ular yana aguruh bosqichidan nariga o'ta olishmadi. Lekin shuni yana takrorlash kerakki, o'sha mundialda ham Kot-d`Ivuar yana "o'lim" guruhidan joy olgandi. Portugaliya, Braziliya va KXDR jamoalari bilan bir guruhdan joy oladi va guruhni yana uchinchi o'rin bilan tugatishga majbur bo'lishadi.



O'shanda Kot-d`Ivuar faqtgina Braziliyaga imkoniyatni boy beradi, qolgan ikki o'yinning birida Portugaliya bilan durang va KXDRni mag'lub etishadi.

Bu terma jamoaning so'nggi paytlarda ko'rsatayotgan o'yinlari va natijalari maqtovga loyiq. Bu safar ham jamoa Braziliyada bo'ladigan mundial chiptasiga ega chiqdi. Kot-d`Ivuar ketma-ket uchinchi bor Jahon chempionatida ishtirok etmoqda. Bu jamoa uchun yangi rekord hisoblanadi.

Kot-d`Ivuar hozirgacha Jahon chempionatlarida oltita o'yin o'tkazgan va shularning ikkitasida g'alaba qozongan. Qolgan uchta bahsda mag'lubiyat alamini tortib ko'rgan bo'lsa, yana bir o'yinda durang qayd etgan. To'plar nisbati: 9-9.



Kot-d`Ivuar terma jamoasi haqida:

Tashkil topgan yil: 1960

Bosh murabbiy: Sabri Lyamushi (Franciya)

Jamoa sardori: Dide Drogba

Eng ko'p o'yin o'tkazgan futbolchi: Zokora (118 o'yin)

Eng yaxshi to'purar: Dide Drogba (63)

ilk o'yini: Kot-d`Ivuar - Dagomeya 3:2 (1960 yil)

Eng yirik g'alabasi: Kot-d`Ivuar - Madagaskar 6:0 (2001 yil)

Eng yirik mag'lubiyati: Kot-d`Ivuar - Gana 2:6 (1971 yil)

FIFA reytingidagi o'rni: 17

Erishgan yutuqlari:

Afrika Millatlari kubogi sohibi: (1992)



Kot-d`Ivuarning kengaytirilgan tarkibi:

Darvozabonlar: Barri (Lokeren), Gboxuo (Seve Sport), Sayuba (Stabek), Sangare (Asek Mimozas).

Himoyachilar: Akpa (Valansen), Ore (Tuluza), Boka (SHtutgart), Diarrassuba (CHaykyur Rizespor), Ja Jeje (Marsel), Kolo Ture (Liverpul), Zokora (klubsiz), Bamba (Trabzonspor), Angua (Valansen).

Yarim himoyachilar: Di (Bazel), Diomand (Sent-Eten), Tiote (Nyukasl), Yaya Ture (ManSiti), YA Konan (Gannover), Jakpa (Ayntraxt F), Gradel (Sent-Eten).

Hujumchilar: Bolli (Fortuna D), Boni (Suonsi), Drogba (Galatasaroy), Dumbiya (CSKA), Kalu (Lill), Sio (Bazel), Jervino (Roma), Traore (Everton).


SHahboz Beg'amov.