JCH-2014. Finalda kim yutadi? Futzalchilardan fikrlar

Bugungi finaldan oldin esa futzalchilarimiz va futzal hakamining fikrlari bilan qiziqdik.



Artur Yunusov "Lokomotiv" futzalchisi: O'ylashimcha, bugun kurashlarga boy o'yin bo'ladi, ammo bugun Germaniya g'olib bo'ladi deb o'ylayapman. Ular bir necha yil davomida bir maromda yaxshi o'yin ko'rsatib kelishmoqda, biroq men bugun Argentina terma jamoasiga muxlislik qilaman.



Farhod Abdumavlonov "Ardus" futzalchisi: Germaniya jamoaviy o'yinni juda yaxshi yo'lga qo'ygan, menimcha nemislar bugun g'alaba qozonishadi.



SHuxrat Po'latov, FIFA toifasidagi hakam: To'g'risini aytsam, menga qaysi terma jamoa yutishining farqi yo'q. Mundialni Ravshan Ermatov uchun ko'rib borayotgan edim, bugungi o'yinni u boshqarmaydi. Demak, menda finalni ko'rishga qiziqish yo'q.