Jamshid Boltaboev: "Raqiblarimiz bizdan qo'rqsin"

Eronga qarshi o'tgan uchrashuvlarda ikki g'alaba, bitta mag'lubiyatga uchragan jamoamiz BAAda bo'lib o'tadigan JCH-2013ga tayyorgarlik ko'rmoqda. Eronga qarshi uchrashuvlardan so'ng terma jamoamiz azosi va 2013 yilning "Eng yaxshi  yosh futbolchisi" deya etirof etilgan futbolchimiz bilan suhbatlashdik.

- Jamshid ikki g'alaba, bir mag'lubiyat va tayyorgarlik. Bu borada umumiy fikringiz qanday?
- Hozircha faqat tayyorgarlik olib borayapmiz. Oldimizda o'ta masuliyatli musobaqa turibdi. Eron o'smirlari ustidan oson g'alabaga erishdik. Ko'p imkoniyatlardan foydalana olmagan bo'lsak ham biz to'liq tashabbusni qo'lga oldik. Mag'lubiyat ham bo'ldi lekin biz so'nggi uchrashuvda ko'proq hujumkor o'ynashni va murabbiylarimiz ko'rsatmasiga binoan boshqa taktikalarni ham sinovdan o'tkazdik.  Xulosa qiladigan bo'lsak bu uchrashuvlar bizga va jamoamiz o'yiniga katta o'zgarishlar olib keldi.

- Eron ustidan g'alabalar oson bo'ldi demoqdasiz? Bunday g'alabalar bizga katta musobaqada pand berib qo'ymasmikin?
- Unday deb o'ylamasdim. Misol uchun, Yaponiya bilan Osiyo chempionatidagi finalidan so'ng o'yinimizga ishonch ortdi. Hozir biz Eronni yutsak keyinchalik to'qnash kelganlarimizda agar biz masuliyatni xis qilsak Eronni barcha uchrashuvlarda mag'lub etishimiz mumkin. Bunga sabab Eron o'smirlari hamisha O'zbekiston bizni doim  yutgan degan o'y bilan maydonga tushadi va ularga ortiqcha bosim bo'ladi. SHunda bizga imkoniyat oshadi. Ochig'ini aytsam biz raqibdan emas, raqiblar bizdan qo'rqishsin.

- Albatta shunday lekin JCH-2013 da jamoamiz kamida sakkizlik natijasini takrorlashi kerak. Bunga sabab hammaga ayon. Undan past natija biz uchun ijobiy deb bo'lmaydi.
- Buni his qilmoqdamiz va shunda munosib o'yin ko'rsatamiz. Jamoamizda ishonch bor. Bu eng asosiysi deb o'ylagan bo'lar edim. Hamma bemmalol ayta oladi. Biz BAAga chempionlikni qo'lga kiritish uchun boramiz.

 
Islombek Rustambekov suhbatlashdi.