"Yuventus" va "Barselona" uchun sakkizinchi final

Ushbu final har ikkala jamoa uchun ECHLdagi sakkizinchi final bo'ladi. Bunga qadar "Yuventus" jamoasi 1973, 1983, 1985, 1996, 1997, 1998 hamda 2003 yillarda ECHL finalida ishtirok etgan. shularning faqatgina ikkitasidagina g'oliblikni (1985, 1996) qo'lga kiritgan. Qolgan beshta finalda esa (1973, 1983, 1997, 1998, 2003) imkoniyat boy berilgan.
"Barselona" esa 1961, 1986, 1992, 1994, 2006, 2009, 2011 yillarda ECHLning hal qiluvchi o'yinida ishtirok etgan. "Barselona" "Yuventus"dan farqli ravishda o'tkazilgan ettita finalning (1992, 2006, 2009, 2011) to'rttasida g'olib bo'lgan. Yana uchta finalda (1961, 1986, 1994) esa kataloniyaliklar raqiblariga yutqazishgan.

Bu galgi final har ikkala jamoa uchun ECHL doirasida umumiy hisobdagi sakkizinchi final bo'ladi. "Barselona" o'zining beshinchi sovriniga yaqin bo'lsa, "Yuventus" ECHL tarixida uchinchi bor g'oliblikni qo'lga kiritishi mumkin.