“Yuventus” sport direktori “Bavariya” futbolchisi bilan kelishuvga erishmoqchi
17 okt 2018 22:44
Yangiliklar
“Yuventus” sport direktori “Bavariya” futbolchisi bilan kelishuvga erishmoqchi
Ijara asosida “Bavariya”da to'p tepayotgan “Real” yarim himoyachisi Xames Rodriges “Yuventus” qiziqishlari doirasida.
Kolumbiyalik futbolchini sotib olishni so'rab turinliklar sport direktori Fabio Paratichi klub direktorlar kengashiga murojaat qilgan, deya xabar bermoqda Rai Sport.
Funkcionerning fikricha, Xames “Bavariya”da etakchi sifatida o'zini namoyon eta olmayapti, shu bois “Yuventus”ning taklifi unga qiziqarli bo'lishi aniq. Kolumbiyalik futbolchi yangi jamoada sobiq jamoadoshi Krishtianu Ronaldu bilan ham birgalikda to'p tepishi mumkin.
Xamesining ijara shartnomasi keyingi yilning yozida o'z nihoyasiga etadi. Myunxenliklar futbolchini “Real”dan 42 million evroga sotib olishlari ham mumkin.
Fikrlar