"Yuventus" Simeoneni sotib olmoqchi

"Yuventus" "Kalyari"ning argentinalik hujumchisi Jovanni Simeonega qiziqish bildirmoqda.

Manbaga ko'ra, Turin klubi yozgi transfer oynasida futbolchini xarid qilish uchun 15 million evro to'lashga tayyor.

"Atletiko" bosh murabbiyi Diego Simeonening o'g'li, 26 yoshli Jovanni o'tgan mavsumda "Verona"da ijara asosida o'ynagan edi. Hujumchi 37 ta o'yin o'tkazib, 17 ta gol urdi va 6 ta golli uzatmani amalga oshirdi. Uning "Kalyari" bilan shartnomasi 2024 yilning yoziga qadar mo'ljallangan.