"Yuve" 82,3 mln. evroga futbolchi sotdi, yangilarga esa 21,7 mln. evro ishlatdi

"Yuventus" yozgi transfer oynasida 21 mln. evrolik xaridlar amalga oshirdi, futbolchilarni sotishdan esa 82,3 mln. evro ishlab oldi. Malumotlarga ko'ra, ortiqcha mablag' foyda va zarar hisobini balansga tenglashtirishga yordam beradi, bu esa akciyadorlar va UEFA tomonidan talab qilinadi.

Bundan tashqari, "Yuventus" ish haqi xarajatlarini 36 million evroga, yani umumiy ish haqi fondining 15 foiziga kamaytirishga muvaffaq bo'ldi. Bu Anxel Di Mariya, Leandro Paredes, Xuan Kuadrado va Leonardo Bonuchchilarning ketishi evaziga sodir bo'ldi.

SHunga qaramay, ushbu yozdagi sotuvlar hisobotga jiddiy tasir o'tkazmaydi. Masalan, Denis Zakariyaning 20 million evroga sotilishi keyingi hisobotda atigi 4,6 million sifatida aks ettiriladi, Nikolo Rovella va Luka Pellegrini transferlaridan tushgan daromad "Yuve"ni qadrsizlanishdan xalos qilmasdan, ikki yildan so'ng xarid amalga oshirilganda qayd etiladi.

"Yuventus" yozgi transfer oynasida 40 mln. evro ishlab olinishi ko'zlangan Dushan Vlaxovichni sota olmadi. Bundan tashqari, kelasi yili serbning maoshi avtomatik tarzda 12 million evroga ko'tarilishi turinliklarni bosim ostida qoldiradi.

Hozirgi sharoitda "Yuve" 22/23-moliyadagi hisobotlarning yaxshilanishini kutmoqda (so'nggi yillardagi katta yo'qotishlar bilan solishtirganda), ammo 23/24-moliyadagi vaziyat Exor oldini olishni istaydigan kapitalni oshirishdan qochib qutula olmaydi.