Yuriy Lukin: "Bugungi g'alaba SHevchenkoning tug'ilgan kuniga sovg'a bo'ldi"

- Bugun havo juda issiq edi, - dedi Yuriy Pavlovich. - Bu esa har ikki jamoa azolarining maydonda faolroq va tezkor o'yin namoyish qilishiga jiddiy tasir qildi. G'alaba uchun yigitlarga rahmat! Muxlislarimizni kayfiyatini ko'tara olganimizdan xursandman.

Afsuski, qo'lga kiritilgan oxirgi uch uchrashuvda ham birinchi bo'lib raqiblarimiz hisobni ochishdi. Jamoamiz azolari bundan tushkunlikka tushmay o'zlarida g'alabaga kuch topa olganliklari kishiga ruh bag'ishlaydi. Qolaversa, "SHo'rtan" tarkibida bir qator tajribali o'yinchilarga ega, mamlakatimizning kuchli jamoalaridan sanaladi. Raqibimizni puxta o'rganganimiz va to'g'ri taktika tanlaganimiz evaziga muhim g'alabani qo'lga kiritdik.

Bugun Vyacheslav SHevchenkoning tug'ilgan kuni! Betobligi tufayli u Muborakda maydonga tushmagandi. SHu bois, uning kayfiyatini ko'tarish uchun SHevchenkoga maydonga tushishiga imkoniyat bergandik. Jamoadoshlari bugungi g'alabani Slavaning tug'ilgan kuniga sovg'a sifatida taqdim qildilar.

Keyingi turda Toshkentga safar qilamiz. 6 iyunda "Lokomotiv"ga qarshi bo'ladigan  o'yinda ham muxlislarimizni albatta quvontirishga harakat qilamiz.