Yosh “qaldirg'ochlar” - xalqaro festival g'olibi!

Jamoa festival doirasidagi dastlabki o'rtoqlik uchrashuvida myanmalik tengdoshlari ustidan 8:2 hisobida ustun kelishgandi. Kecha festival o'z nihoyasiga etdi va unda yosh “qaldirg'ochlar” o'zbek futboli maktabining dovrug'ini barcha ishtirokchilarga namoyish etishdi!

Festivaldagi tadbirlar haqida biz jamoamiz safardan qaytib kelgach, batafsil malumot beramiz. Bugun esa festival doirasidan o'rin olgan o'rtoqlik uchrashuvlari natijalari bilan tanishtirib o'tamiz. Barcha jamoalar kuniga ikkitadan o'yinlar o'tkazishdi. Har bir bo'lim 30 daqiqadan iborat bo'lgani uchun, bu bolakaylarga qiyinchilik tug'dirmadi. Demak “Bunyodkor” jamoasi ishtirokidagi o'yinlar natijasi va ulardagi kiritilgan gollar mualliflari bilan tanishing:

8 avgust. Nepal – 3:3 (Diyorbek Rahimqulov, Izzatilla Orifov, Otabek Jo'raqo'ziev).

​Falastin – 5:1 (Abdurauf Bo'riev – 3 ta, Jasurbek Abdulbekov, Jaloliddin Sodiqov).

9 avgust. Mo'g'iliston – 10:1 (Diyorbek Rahimqulov – 3 ta, Otabek Jo'raqo'ziev va Izzatilla Orifov – 2 tadan, Jaloliddin Sodiqov, Ayubxon Umarxo'jaev, Abdurauf Bo'riev).

​Koreya SFA – 2:1 (Diyorbek Rahimqulov – 2 ta).

10 avgust. Janubiy Koreya – 2:0 (Otabek Jo'raqo'ziev,Jaloliddin Sodiqov).

​Yaponiya – 8:0 (Otabek Jo'raqo'ziev – 5 ta, Diyorbek Rahimqulov, Abdurauf Bo'riev, Izzatilla Orifov).

SHu tariqa “Bunyodkor” futbol maktabi tarbiyalanuvchilari “Osiyo yoshlar futbol festivali”ning bosh sovrinini qo'lga kiritdilar! Biz olis Xvaseong shahrida O'zbekiston bayrog'ini baland ko'targan tarbiyalanuvchilarimizni, delegaciya rahbari Abdulla Zurapov, murabbiylar Baxodir Mahkamov, Sergey CHigodaev va Akmal Risqullaevlarni bu muvaffaqiyat bilan muborakbod etamiz!