Yosh posbon, xet-trik sohibi, legioner murabbiy va supergol muallifi - Superligada 20-turning eng yaxshilari

Championat.asia sayti talqiniga ko'ra 20-turning eng yaxshi darvozaboni – Humoyunshoh Sayyotov ("Qizilqum")

"Qizilqum" bu tur o'z maydonida (Qarshida) musobaqa jadvalida so'nggi pog'onada borayotgan "Metallurg"ni qabul qildi g'alaba qozondi - 1:0. Uchrashuv boshida navoiyliklar asosiy posboni Robert Ozols jarohat olib maydonni tark etdi va uning o'rnini Humoyunshoh Sayyotov egalladi. Yosh posbon shu kuni ishonchli harakat qildi va o'z darvozasi dahlsizligini saqlab qoldi. SHu tariqa Sayyotov turning eng yaxshi posboni sifatida etirof etildi.

Championat.asia sayti talqiniga ko'ra 20-turning eng yaxshi murabbiyi – Ivan Boshkovich ("So'g'diyona")

"So'g'diyona" bu turni Namanganda "Navbahor"ga qarshi o'tkazdi yirik g'alabaga erishdi - 3:0. O'yin davomida mezbonlarga deyarli imkon qoldirmagan "So'g'diyona" safardan 3 ochko bilan qaytdi. Aynan Ivan Boshkovich turning eng yaxshi murabbiyi deb topildi.  

Championat.asia sayti talqiniga ko'ra 20-turning eng yaxshi futbolchisi – Vladimir Yovovich ("So'g'diyona")

Namanganda xet-trik qayd etgan Vladimir Yovovich ortiqcha gap-so'zsiz 20-turning eng yaxshi futbolchisi deb topildi.  

Championat.asia sayti talqiniga ko'ra 20-turning eng chiroyli goli muallifi – Xislat Halilov ("Dinamo")

"Dinamo"ning "Surxon" ustidan qo'lga kiritilgan yirik g'alabasini Xislat Halilov tomonidan urilgan gol bezadi. Aynan yarim himoyachi tomonidan urilgan gol championat.asia sayti talqiniga ko'ra turning eng chiroyli goli deb topildi.