Yoqub Mayza: "Bizga O'zbekiston juda yoqdi"

Kecha "Dinamo" ning "SHerdor" bilan nazorat uchrashuvida mana shu ikki futbolchi "SHerdor" safida maydonga tushdi. SHu fursatdan foydalanib biz ushbu futbolchilar bilan qisqacha suhbatlashdik.

- Salom. Samarqandga kelishingiz haqida aytib o'tsangiz. Bu qanday ro'y berdi?
- O'zbekistonga birinchi bor kelishimiz. Biz uch kishi bo'lib tashrif buyurdik. Men, Loverens va agentimiz. Samarqandga esa kecha keldik. Bunday deyishimizga sabab biz bir oy oldin O'zbekistonga tashrif buyurgan edik. Qaysi jamoa ekanligini aniq bilmayman lekin Birinchi liganing "NBU-Osiyo" uchun atalgan stadionida mashg'ulotlarda qatnashdik. SHundan so'ng mana hozir ko'pchilik taniydigan Samarqand shahridamiz. Bizga shahar juda yoqdi. Kecha faqat bir marta mashg'ulotlarda ishtirok etdik. Hozirda mehmonxonada yashayapmiz.

- Kelishingiz o'zi -o'zidan sodir bo'lmagandir?
- Albatta. Biz avvaldan Devid Oniyani tanir edik. Agentimiz bilan yaxshi ekan. SHu orqali keldik desak ham bo'laveradi. Bu stadion juda ajoyib holatda ekan. Stadion va shahar juda yoqdi.

- Avval ham biron jamoada o'ynagan edingizmi ?
- Avval hech qachon xorijiy chempionatlarda bo'lmaganmiz. Birinchi xorijda o'ynashimiz mumkin. Faqat Nigeriya chempionatida o'ynaganmiz. Terma jamoada esa yo'q.

- Qaysi chiziqda o'ynaysiz odatda?
- Men o'ng qanot yarim himoyasida, Loverns esa markaziy himoyada o'ynaydi.

- Til borasida muammo bo'lmaydimi ?
- Biz ingliz tilida suhbatlasha olamiz. Qiyinchilik tug'dirmaydi deb o'ylayman.

- Yaqinda Afrikadan bir qator futbolchilar O'zbekistonga taklif etilayotganligi va ular Eto'O futbol akademiyasi tarbiyalanuvchilar ekanligi futbol agenti tomonidan aytilgan edi. Sizlar ham shu akademiyadanmi?
- Yo'q biz Nigeriyadan. U akademiya esa Kamerunda joylashgan.