Yomon tush

- Aka, juda bir g'alati tush ko'ribman, - deydi yotsa ham, tursa ham faqat futbolni o'ylaydigan tanishim. - OFK jahon chempionati saralash o'yinlarini markazlashgan tartibda o'tkazishga qaror qilganidan beri kun-u tun shuni o'ylayman. Xayolim shu kunlarda faqat Saudiya Arabistonida bo'lib qoldi, chunki bizning qolgan o'yinlar shu davlatda o'tadi-da. 

- Futbol haqida nimani o'ylasang, shu narsa tushinga ham kirib chiqar ekan. Terma jamoamiz Saudiya Arabistoniga boribdi, ikkita o'yinni yutibdi. Hamma juda xursand ekan. Lekin Saudiya bilan o'yindan oldin OFK futbolchilarimizga koronavirusga test topshirasizlar debdi. Eng yomoni mana shu payt bo'libdi: Eldor SHomurodov, Jaloliddin Masharipov va yana ikki-uch asosiy futbolchimizda test javobi musbat chiqibdi. 

- Men esa hayron emishman, axir avvalgi ikkita o'yinda bu futbolchilar tuppa-tuzuk o'ynab berdi-ku, testi ham joyida edi. Nimaga endi hal qiluvchi uchrashuv oldidan "kasal" bo'lib qolishdi? Endi buyog'iga nima bo'ladi, Saudiya bilan qanday o'ynaymiz, shuni o'ylab turgan emishman. 

- O'yin qanaqa tugadi bilmayman, keyin uyg'onib ketdim. Xayriyat-e, tush ekan. SHartta qo'l-yuzimni yuvib nonushta ham qilmay ishga ketdim. Endi kechroq uyga vaqtli borib O'zbekiston - Gana o'yinini ko'rmoqchiman. Aka, bu oddiy tush-ku, to'g'rimi? Axir test javoblari birdaniga o'z-o'zidan yomon bo'lib chiqishi mumkinmas-ku. SHaxsan men Saudiyaga borgandan keyin bizga nisbatan "o'yin" qilishlariga ishonmayman. 

P.S. O'z navbatida men unga bu faqat tush ekani, OFK adolatli tashkilot hamda kimdir nimanidir o'ylab topishiga aslo yo'l qo'yib bermasligini uqtirdim. Tanishimning elkasidan tog' ag'darilgandek bo'ldim, engil tin oldi va ishqilib keyingi bosqchiga chiqaylik-da deb qo'ydi. 

X.Xoliqov.