Yoaxim Lyov: "Bu to'qnashuv g'olibi chempionlikka asosiy davogarga aylanadi"

- Italiyaning ko'plab o'yinlarini tomosha qildik, chuqur o'rgandik. Italiya nafaqat himoyada, balki hujumda ham kuchli jamoa. Ular oldingi chiziqda bir qator qiziqarli variantlarni qo'llashadi. Lekin ularning eng kuchli tarafi - himoya. Italiya raqibni o'z jarima maydonchasi oldida zararsizlantirishda ancha usta. Biz ham ularning bu o'yinlariga qarab, raqibning himoyadagi o'yinlarini tahlil qilib, shunga yarasha taraddud ko'rdik.

Italiya bilan bo'ladigan bahsda yuzaga keladigan har bir vaziyatdan unumli foydalanmoq lozim. CHunki "Skuadra Adzurra"ga qarshi o'yinda senda boshqa imkoniyat tug'ilmasligi mumkin.

Bu to'qnashuv g'olibi chempionlik uchun asosiy davogarga aylanadi. Yarim finalga yo'l oladigan har bir jamoa chempion haqida o'ylay boshlaydi va maqsadni yuqori qo'yadi.

Germaniya chempion bo'lishi uchun etarli imkoniyatlarga ega, futbolchilarimizning salohiyati ham bunga etadi. Ammo hali yo'l uzoq. Italiyadan o'tgan taqdirimizda ham qolgan yo'l oson kechmasligi aniq. CHunki bu to'qnashuv g'olibi yarim finalda mezbonlar bilan uchrashishi mumkin. Germaniya va Italiya uchrashuvi g'olibini chempionlikka asosiy favorit, deya hisoblayotganlarning fikriga qo'shilaman.

Biz o'z kuchimizga ishonamiz. Sababi, o'zimizning sifatli, kuchli taraflarimizni yaxshi bilamiz. Lekin raqib kimligini ham unutmaslik lozim. De Rossi haqida eshitdim. Menimcha, De Rossi bizga qarshi o'yinda ishtirok etolmasa kerak. Ammo Italiyada bu kabi muammolarni yopish uchun doimo variantlar bo'lgan va chiqadi.