Yaqin o'tmish yulduzlari - Oleg SHackix

SHackix futbolchilik faoliyatini 1992 yili Toshkentning "Paxtakor" jamoasida boshlagan. Keyinchalik SHackix Toshkent viloyatining "Politotdel" (keyinchalik "Do'stlik", 1992-1995, 1998, 2003 yillar), "Samarqand-Dinamo" (1999-2001 yillar) klublari sharafini ham himoya qilgan.

1995-1997 yillar davomida Namanganning "Navbahor" jamoasi sharafini himoya qilgan (bu uning futbolchilik faoliyatining eng gullagan davriga to'g'ri keladi). Mamlakatimizning eng kuchli hujumchilaridan biri bo'lgan Oleg "Navbahor" safida 64 ta o'yinda maydonga tushib, raqiblar darvozasini 57 bor nishonga olgan.

SHackix O'zbekiston chempionatining oliy ligasida 123 ta o'yinda maydonga tushgan va 109 ta golga mualliflik qilgan.

Oleg 1996 va 1997 yillar davomida O'zbekiston milliy terma jamoasi safida 11 ta o'yinda maydonga tushib, 9 ta gol muallifiga aylangan. O'sha paytlarda SHackixga nisbatan "sehrli tayoqcha" iborasi ishlatilardi. Lekin, jarohat mahoratli hujumchini faoliyatini barvaqt yakunlashiga sababchi bo'ldi.

Erishgan yutuqlari:
O'zbekiston chempioni: 1996 yil;
O'zbekiston chempionatining bronza medali sovrindori: 1995, 1997 yillar;
O'zbekiston chemponati to'purari: 1995, 1996 yillar;
O'zbekiston kubogi sohibi: 1995 yil;
O'zbekistonda yilning eng yaxshi futbolchisi: 1995 yil.

Namangan futbol Associaciyasi matbuot xizmati