Yangi jamoaga o'tishi, "Lokomotiv"ga yo'l olishi va chempionlik uchun kurash borasida Akbar Usmonov bilan suhbat

SHundan keyin uning fikrlariga quloq tutdik.

- Yangi jamoaga o'tishingiz qay tariqa amalga oshdi?

- Hech kimga sir emaski,  BMB jamoasi 1-ligadan oliy ligaga yo'llanma oldi. Bu jamoa oldiga yuqori maqsadlarni qo'ygan. Oliy ligaga chiqishi aniq bo'lganidan so'ng jamoa murabbiyi Nodir Eliboev menga taklif qildi. Rostisi, BMB jamoasidagi barcha shart-sharoitlari meni qoniqtirdi va men bu taklifni qabul qilishga rozilik bildirdim.

- Yangi jamoaning qaysi tomoni sizga maqul keldi?

- To'g'ri, bu jamoa debyutant bo'lsa-da, yuqorida aytib o'tganimdek oldiga yuqori maqsadlarni qo'ygan. Bu maqsad yo'lida shu jamoa bilan bo'lishni istadim .

- "Lokomotiv"ni tark etish qiyin kechmadimi?

- Yakunlangan mavsum "Lokomotiv" bilvn ajoyib mavsumni o'tkazdim. Garchi yakunda sovrinli o'rinlarni egalla olmagan bo'lsak ham bu jamoa men uchun qadrini yoqotmaydi. Jamoa murabbiylari bilvn maslahatlashib yakuniy qaror qabul qildim. Fursatdan foydalanib "Lokomotiv" jamoasiga chuqur minnatdorchiligmni bildiraman. Murabbiylar shtabi  bir qatorda men bilan o'ynagan yigitlar, shifokor, matbuot xizmati va "Lokomotiv" muxlislari barchasiga rahmat.

- "Temiryo'lchilar"da o'ynagan vaqtingizda moliyaviy tomonlama muammo bo'lmadimi?

-To'g'risi, mavsum davomida bunday muammolar ko'p bo'ldi. Aynan moliyaviy muammolar natijaga tasirini o'tkazmay qolmadi. Umuman olganda bizni klublarda bunday holatlar ko'p uchraydi. SHu sababli ham ko'p futzalchilar yaxshi shart-sharoitga ega klublar tomon intilishadi .

- Yangi jamoangiz chempionlik yo'lida "Jizzax-Kenteks"ga raqobatchilik qila oladimi?

-Yuqorida takidlab o'tganimdek, BMB jamoasi bilan yuqori maqsadlarni ko'zlaganmiz. Bu yo'lda har qanday raqib bilan raqobat qilishga tayyormiz. Yaratgandan so'rab mehnat qilishdan to'xtamaymiz!