Yana 30 kundan so'ng! Osiyo Kubogiga roppa-rosa 30 kun qoldi!

Roppa-rosa 30 kun davomida sizlarni zeriktirmaslikka harakat qilib ko'raman. Kundalik yozishga o'rganib qolgandim, mana shu kunlarga yana etib keldik. Keling, avval suyunchi olsam, saytimiz vakillari Osiyo Kubogida ishtirok etish huquqini beruvchi akkreditaciyalarni olish bilan birga Avstraliyaga kirish huquqini beruvchi vizalarni ham qo'lga kiritdi. Bu borada Terma jamoalar markazining xalqaro bo'limi va muxlislar klubi sardori Abdurahmon Fozilovga saytimiz va o'quvchilari nomidan o'z minnatdorchiligimizni bildirib o'tsam. Osiyo Kubogi ilk marotaba Osiyodan tashqarida bo'lib o'tadi. Avstraliya uchun viza olish biroz muammo bo'lib, uni ancha kutishga majbursiz. 1 oylik kutishdan keyin kecha ijobiy javob keldi. 

Hasan Pirmuhammedov ijod bilan mashg'ul

Bizdan tashqari "Inter Futbol" gazetasi rahbari Ahadxon Abduhamidov, "Futbol Ekspress"dan Xayrulla Xoliqov, men va Narzulla. 

Yana, "Sport TV"dan Murod aka Rizaev va O'FF fotomuxbiri Hasan Pirmuhammedov o'z vizalarini kutishyapti. Bu safar Osiyo Kubogida o'zbekistonliklar kam bo'lishmaydi. Qatarda bo'lib o'tgan Osiyo Kubogida, men, Behzod Nazarov, Ahadxon Abduhamidov, Kamoliddin Alimov, SHuhrat SHokirjonov, Hasanali ota, Aleksey Glazunov, Bahodir Mirzaev, Hasan Pirmuhammedov qatnashgan edik. Aytish joizki, aynan Qatarda bo'lib o'tgan Osiyo Kubogi saytimizni bir qadam oldinda ishlashga o'rgatgandi. SHuning uchun, kengurular yurti biz uchun yangi-yangi eshiklarni ochsa ajab emas.

Hamkasblar davrasida

Vizalar chiqmaguniga qadar jim yurgandik. Mana endi Osiyo Kubogidan avval bir qator loyihalarni ishga tushiramiz. FIFA.uzdan ham Osiyo Kubogi o'rin oladi. BMLda muxlislarning Osiyo Kubogiga oid bilimlarini sinab olamiz. Xullas sizlarni zeriktirmaymiz.

Hasanali ota Vadim Abramovga savol bilan murojaat qilyapti

5-6 kundan keyin yana bitta yangilikni sizlarga aytamiz. Menimcha, bu sizlarga yoqadi. Kelayotgan 1,5 oy sayt sizlarni "qo'yib yubormaydi", bunga vada beramiz. Oz qoldi, shu fursatdan foydalanib terma jamoa manzili tomon kurakda turmaydigan komentlarni yozmang. Musobaqa oldidan bu ruhiyatga tasir o'tkazishi aniq. Bu isbotini topgan holat, shuning uchun iltimos qilib qolardim. 

Nodirxo'ja Yuldashev.