Xurshid G'iyosov: “Durang bo'lganida balki biz uchun alamli bo'lardi”
26 iyu 2016 16:02
Yangiliklar
![](https://championat.asia/upload/storage/213216_original.jpg)
![](/upload/storage/213216_220.jpg)
Xurshid G'iyosov: “Durang bo'lganida balki biz uchun alamli bo'lardi”
Tezkor xarakatlari bilan raqiblarini shoshirib qo'ygan iqtidorli o'yinchi bahs yakuniga etgach, o'z fikrlarini bildirib o'tdi.
- Uchrashuvga har tomonlama jiddiy tayyorgarlik ko'rgandik. O'tgan turda “Olmaliq” bilan safarda yaxshi o'ynagan bo'lsakda, yakunda mag'lub bo'lgandik. SHundan so'ng “Andijon”ga qarshi bahsga yuqori suratda hozirlik bo'ldi. Bugun mezbon jamoa ham g'alaba ilinjida kuchli o'yin namoyish etdi. Garchi uch ochkoni qo'lga kiritgan bo'lsakda, bunga osonlikcha erishganimiz yo'q.
- Durang qoniqarli bo'larmidi? Ko'rdinglar bizda yana bir nechta vaziyatlar bo'ldi. Birga-bir vaziyatlarni yuzaga keltirdik. Ammo ulardan to'g'ri foydalana olmadik. SHuning uchun durang bo'lganida biz uchun balki alamli bo'lar edi. CHunki biz aytib o'tganimdek, o'yin borasida ham raqibdan qolishmaslikka urindik.
- “Obod”da asosan yoshlar o'ynamoqda. Kuchli ishtiyoq va shiddat evaziga barchamiz bir yoqadan bosh chiqarib o'ynamoqdamiz. Bugun g'alaba qozonishni raqibga nisbatan ko'proq biz xohlab o'ynadik degan bo'lardim. Jamoamiz quyi pog'onadan joy egallab turgandi. SHu bois uch ochko suv va havodek zarur edi. Bilsangiz kerak, bizda yangi murabbiylar shtabi ish boshladi. Ular bilan yaxshi chiqishib ketdik. O'ylaymanki qiyin vaziyatdan chiqib keta olamiz, - deydi G'iyosov.
O’xshash yangiliklar
![AMP Logo](https://championat.asia/image/logo-amp.png)
Fikrlar