Xuanfran: "Atletiko ECHLni yutadi"

"So'nggi ikki mavsumda Evropa chempionlar ligasining bosh sovriniga juda yaqin kelgandik. Buni yana qaytarish qiyin bo'ladi. Lekin jamoamiz muxlislarga sovga tayyorlashga qodir. "Atletiko" Evropa chempionlar ligasini yutishga qodir va menimcha biz buni uddalaymiz. Men maydonga har doim g'alaba qozonish uchun tushaman. "Atletiko" Evropaning eng kuchli jamoalar qatorida turadi. Biz nihoyat katta turnirda g'olib bo'lmoqchimiz. Men ishonaman, bu mavsum boshqacha kechadi. Simeone dunyoning eng kuchli murabbiyi, juda yaxshi maslahatchi va futbolchilar ishtiyoqini oshira oladigan sifatga ega. Diego Simeone men uchun ikkinchi otamdek bo'lib qolgan. Men bu uchun unga minnatdorchilik bildiraman. Diego meni faoliyatimda yangi sahifa ochilishida katta yordam bergan. Har doim u meni qo'llab kelgan. Bir kuni u menga maydonda chin yurakdan o'ynash kerakligini o'qtirgandi", - deydi Xuanfran.